Rumıniyalı deputat Dağlıq Qarabağdan danışdı: “Regionun sabitliyinə mane olur”


Rumıniya Ermənistan-Azərbaycan, Dağlıq Qarabağ münaqişəsinin beynəlxalq hüququn əsas prinsip və normalarına uyğun olaraq sülh yolu ilə həllini dəstəkləyir.

Milli.Az xəbər verir ki, bunu Trend-ə Rumıniya parlamentinin deputatı, Azərbaycan və Rumıniya arasında parlament əməkdaşlıq qrupunun rəhbəri Viktor Pol Dobre deyib.

O bildirib ki, Rumıniyanın Dağlıq Qarabağla bağlı mövqeyi hər zaman aydın olub: "Bizim uzanmış münaqişələrin dəyərləndirilməsi ilə bağlı mövqeyimiz aydındır. İnsanların faciəvi ölümlərinə və əziyyətlərinə səbəb olan bu cür münaqişələr regionun sabitliyinə və dayanıqlı inkişafına mane olur. Biz bundan sonra da Dağlıq Qarabağ probleminin sülh yolu ilə həllini dəstəkləməyə davam edəcəyik".

Deputat onu da qeyd edib ki, münaqişənin həlli prosesi ərazi bütövlüyü və suverenlik prinsiplərinə əsaslanmalıdır:

"Biz həmçinin ATƏT Minsk qrupunun səylərini dəstəkləyirik və ümid edirik ki, bu səylər müsbət nəticələrə gətirib çıxarıb".

Milli.Az

Mənbə: milli.az

Pin It

Şərh yazın

Sizin e-poçt ünvanınız gizli saxlanılacaq, saytda heç kimə görsənməyəcək. Zəruri olan sahələr * ilə işarələnib

Siz bu HTML etiket və atributlardan istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>