Toylarına 4 gün qalmışdı:

İstanbulun Esenyurt rayonunda 8 ay öncə mübahisə etdiyi nişanlısı Ali Ayberk Kahvecini (23) bıçaqla öldürdüyü iddia edilən Ayşenur Yılmazın (23) 18 ilə qədər həbsi istənilib.

Milli.Az Milliyet-ə istinadən xəbər verir ki, toylarına 4 gün qalmış nişanlısını öldürən şübhəli hakim qarşısına çıxıb.

Məhkəmədə ifadə verən Ayşenur: "Mən Ali Ayberki çox sevirdim. Xəyallarımız var idi. Öldürmək kimi bir niyyətim yox idi" deyib.

Ayşenur sonra ifadəsində "Olay günü də telefonda danışarkən qışqırdı. "Niyə telefona cavab vermirsən, baxmırsan" dedi. Mən də sakit olmağını istədim. Mənə dəfələrlə təhqiramiz sözlər dedi. Mən telefonu söndürdüm. Yenidən zəng etdi. Ancaq cavab vermədim. Mən ailəmlə yaşadığım evdəydim. Evdə sadəcə əmim qızı F.A. var idi. Ali bu evə gəldi. Mənə hücum edib, döydü. Əmim qızı F.A. araya girməyə çalışdı, amma bacarmadı. Mən o an mətbəxə qaçıb, oradan götürdüyüm bıçaqla o üzərimə gələndə vurdum" ifadələrini işlədib.

Xəstəxanaya çatdırılan Ali Ayberk Kahvecinin həyatını xilas etmək olmayıb. Ayşenurun qohumlarından biri xəstəxanadan evdə olan F.A-ya zəng edərək yerdəki və bıçaqdakı qanı təmizləməyini istəyib.

Məhkəmə F.A. barədə də "cinayətin izini itirmək və gizlətmək" əməllərinə görə 6 aydan 5 ilə qədər həbs tələbi irəli sürülüb.

Məhəmməd Vaqif

Milli.Az

Digər maraqlı xəbərlər Milli.Az-ın Facebook səhifəsində

Mənbə: milli.az

Pin It

Şərh yazın

Sizin e-poçt ünvanınız gizli saxlanılacaq, saytda heç kimə görsənməyəcək. Zəruri olan sahələr * ilə işarələnib

Siz bu HTML etiket və atributlardan istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>