Fransada “Apple” barəsində təhqiqat başladı

Paris Prokurorluğu ABŞ-ın "Apple" korporasiyası haqqında ilkin təhqiqata başlayıb.

Milli.Az lent.az-a istinadən xəbər verir ki, təhqiqat şirkətin köhnə "iPhone" modellərinin işini yavaşlatması ilə bağlıdır.
 
"Halte a l'obsolescence programmee" (HOP) adlı yerli assosiasiya ötən il dekabrın 27-də bununla əlaqədar prokurorluğa şikayət edib. Onlar bildiriblər ki, "Apple" smartfonların məhsuldarlığını və ömrünü qəsdən azaldaraq müştəriləri yeni "iPhone"lar almağa təhrik etmək istəyir. İddiaçılar Fransada istehsalçı tərəfindən texnikanın işinin qəsdən yavaşladılmasını cinayət sayan müvafiq qanuna əsasən ABŞ şirkətinin cəzalandırılmasını tələb ediblər. (Bu norma Fransada 2017-ci ilin avqustunda qəbul olunub.)
 
Paris Prokurorluğu bu il yanvarın 5-də şikayət əsasında ilkin araşdırmaya başlayıb. İş Fransanın Rəqabət, istehlakçılar və fırıldaqçılığa qarşı nəzarət üzrə Baş Direktoratlığının Milli təhqiqat xidmətinə həvalə edilib. Təhqiqat aldatma maddəsi ilə aparılır.

Qeyd edək ki, "Apple" noyabrın əvvəllərində "iPhoneX" flaqman smartfonunu satışa çıxarıb. Bundan bir qədər sonra istifadəçilər köhnə "iPhone"ların fəaliyyətində problem yaranmasından şikayətlənməyə başlayıblar. Məsələyə münasibət bildirən "Apple" köhnə cihazların işini qəsdən yavaşlatdığını etiraf edərək bunu onların ömrünü uzatmaq niyyəti ilə izah edib. Dekabrın 22-də ABŞ-da bir neçə nəfər bununla əlaqədar məhkəmədə iddia qaldırıb. Dekabrın 29-da şirkət açıq məktubla çıxış edərək istifadəçilərdən üzr istəyib.  

Milli.Az

Digər maraqlı xəbərlər Milli.Az-ın Facebook səhifəsində

Milli.Az-ın ən mühüm və maraqlı xəbərlərini "Telegram"da izləyin

Mənbə: milli.az

Pin It

Şərh yazın

Sizin e-poçt ünvanınız gizli saxlanılacaq, saytda heç kimə görsənməyəcək. Zəruri olan sahələr * ilə işarələnib

Siz bu HTML etiket və atributlardan istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>