“Əşyalar interneti” bazarında xərclər 1 trilyon dollara çatacaq

"International Data Corporation" (IDC) şirkəti yaxın illər üçün dünya "Əşyalar interneti" (IoT) bazarı üzrə proqnoz təqdim edib.
 
Milli.Az ICTnews-a istinadən bildirir ki, qiymətləndirməyə görə, sona çatmaqda olan 2017-ci ildə "IoT" seqmentində xərclər təxminən 674 milyard dollar təşkil edəcək. 2018-ci ildə 14,6 faiz artım gözlənilir: nəticədə sahənin həcmi 772,5 milyard dollara çatacaq.
 
Bildirilir ki, növbəti ildə "Əşyalar interneti" bazarında iri seqment aparat təminatı sektoru olacaq: burada xərclərin 239 milyard dollar olacağı gözlənilir. "Əşyalar interneti" bazarında investisiyalar üzrə lider sahələr arasında nəqliyyat, istehsal, telekommunikasiya və energetika qeyd olunur.
 
Analitiklərin fikrincə, 2017-2021-ci illərdə dünya "Əşyalar interneti" bazarında mürəkkəb faizlərdə ortaillik artım tempi (CAGR) 14,4 faiz təşkil edəcək. Nəticədə 2020-ci ildə sahə 1 trilyon dollar həddini adlayacaq. 2021-ci ildə "IoT" sahəsində xərclərin 1,1 trilyon dollara çatacağı proqnozlaşdırılır.
 
Qeyd edək ki, "IoT" bir-biri ilə əlaqə üçün quraşdırılmış texnologiyalarla təchiz edilən fiziki əşyaların hesablama şəbəkəsi konsepsiyasıdır.

Milli.Az

Digər maraqlı xəbərlər Milli.Az-ın Facebook səhifəsində

Milli.Az-ın ən mühüm və maraqlı xəbərlərini "Telegram"da izləyin

Mənbə: milli.az

Pin It

Şərh yazın

Sizin e-poçt ünvanınız gizli saxlanılacaq, saytda heç kimə görsənməyəcək. Zəruri olan sahələr * ilə işarələnib

Siz bu HTML etiket və atributlardan istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>