Su anbarlarının təmizliyinə hansı qurum nəzarət etməlidir? – VİDEO

Əhaliyə verilən içməli suyun keyfiyyəti standartlara uyğun olsa da, müəyyən məqamlarda binalara verilən suyun bulanıq olması ilə bağlı xəbərlər yayılır.

Milli.Az bildirir ki, çoxmərtəbli binalarda ehtiyat su anbarının mövcudluğunu nəzərə alsaq, bu, onların təmizlənməsi məsələsini aktuallaşdırır. Əhalini içməli su ilə təchiz edən "Azərsu" Açıq Səhmdar Cəmiyyətinin mətbuat xidmətinin rəhbəri Anar Cəbrayllının sözlərinə görə, sözügedən qurumun əsas vəzifəsi suyun MTK-ların anbarlarına qədər çatdırılmasıdır.

Gigiyena və Epidemiologiya Mərkəzinin şöbə müdiri Ziyəddin Kazımov da onlar tərəfindən ümumşəhər anbarlarının mütəmadi olaraq yoxlanıldığını bildirir.
Hazırkı nəticələrə görə içməli suyun keyfiyyəti standartlar çərçivəsindədir. Əgər su xətlərində təmizlik işləri aparılırsa, o zaman suyun bulanıq olması ehtimalı var.

Ziyəddin Kazımov deyir ki, çoxmərtəbəli yeni binalarda ehtiyat anbarların təmizliyi də onlar tərəfindən yoxlanıla bilər. Amma bunun üçün sahibkarların, yəni MTK rəhbərliyinin müraciəti lazımdır.

Şöbə müdiri deyir ki, yoxlamalar nəticəsində ehtiyat anbarın natəmizliyi səbəbindən suda infeksiya aşkar edilərsə, o zaman MTK sahibi qanunvericiliyə uyğun olaraq məsuliyyətə cəlb edilməlidir. /xezerxeber.az

Milli.Az

Videonu izləmək üçün şəklə klikləyin:
Su anbarlarının təmizliyinə hansı qurum nəzarət etməlidir?

Mənbə: milli.az

Pin It

Şərh yazın

Sizin e-poçt ünvanınız gizli saxlanılacaq, saytda heç kimə görsənməyəcək. Zəruri olan sahələr * ilə işarələnib

Siz bu HTML etiket və atributlardan istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>