5G-də işləyən ilk Huawei smartfonu buraxılacaq

"Huawei" şirkəti beşinci nəsil mobil rabitə şəbəkələrində (5G) işləyən smartfon buraxmağı planlaşdırır. Bu barədə şirkətin baş direktoru Yu Çendun Çində keçirilən dördüncü Ümumdünya İnternet Konfransında (World Internet Conference) bildirib.
 
Milli.Az ICTnews-a istinadən bildirir ki, şirkət rəhbəri məlumat verib ki, ilk "5G" smartfonunun 2019-cu ilin ikinci yarısında satışa çıxarılması nəzərdə tutulur. Onun proqnozuna görə, o vaxtadək yeni rabitə standartı dünyanın əksər ölkələrində fəaliyyət göstərəcək. Y.Çendunun sözlərinə görə, yeni smartfon "5G" şəbəkəsini dəstəkləməklə yanaşı, süni intellektlə dərin inteqrasiya ilə təchiz olunacaq. Xatırladaq ki, bu il Çin istehsalçısı neyroşəbəkələrlə iş üçün nəzərdə tutulan "Kirin 970" prosessorunu təqdim edib.
 
Bildirilir ki, "Huawei" şirkətinin "5G" standartının hazırlanması və inkişafında dünya lideri olması nəzərə alınmaqla Çində səslənən fikirlər təəccüb doğurmur. Ötən ay şirkət "5G" şəbəkəsində məlumatların 1Qbit/saniyə sürətində ötürülməsinin uğurlu sınağını keçirib.
 
Qeyd edək ki, "5G" mövcud "4G" şəbəkəsini əvəz edəcək yeni nəsil rabitə şəbəkəsidir. Proqnozlara görə, şəbəkədən 2020-ci ildən etibarən bütün dünyada istifadə mümkün olacaq. Bundan sonra yalnız smartfonlar üçün optimallaşdırılan "4G" şəbəkəsindən fərqli olaraq milyardlarla qurğunun qoşulacağı "5G" şəbəkəsi məlumatların yüksək sürətlə ötürülməsini, zəif yubanma dərəcəsini, eləcə də enerjidən az istifadəni təmin edəcək.

Milli.Az

Digər maraqlı xəbərlər Milli.Az-ın Facebook səhifəsində

Milli.Az-ın ən mühüm və maraqlı xəbərlərini "Telegram"da izləyin

Mənbə: milli.az

Pin It

Şərh yazın

Sizin e-poçt ünvanınız gizli saxlanılacaq, saytda heç kimə görsənməyəcək. Zəruri olan sahələr * ilə işarələnib

Siz bu HTML etiket və atributlardan istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>