Bu bayramda tikanlı yarpaqlarla döyüşürlər – FOTO

Hər il İndoneziyanın paytaxtı Balidə keçirilən qəribə festivallar turistlərin böyük marağına səbəb olur. Bu festivallardan birində indoneziyalılar tikanlı yarpaqlarla döyüşmək ənənəsini sərgiləyirlər.
Milli.Az publika.az-a istinadən xəbər verir ki, bu indoneziyalıların ən müqəddəs ənənələrindən biridir.
Yerli dildə adı Makare-Kare olan bu müqəddəs ritualı böyük inanc və həvəslə gerçəkləşdirən balililər bu döyüşlə savaş tanrıları olan İndranın istəklərini yerinə yetirdiklərinə inanırlar.
Sadəcə kişilərin iştirak etdiyi bu döyüşdə ağacdan kəsilmiş tikanlı yarpaqlardan və qalxanabənzər qoruyucudan istifadə olunur.
Tikanlı yarpaqlarla rəqibinə zərbə endirən döyüşçü onu qana bulayana qədər döyüşü davam etdirməlidir. Bu döyüşdə vuruşmaqdan vaz keçən məğlub olmuş sayılır.
Döyüşçülər savaşdan sonra tanrı İndranın onların vücuduna və dünyaya sülh gətirdiklərinə inanırlar. Təbii olaraq bu döyüşdən sonra hamı qan içində olur.
Yaralarını sağaltmaq üçün isə indoneziyalılar zərdəçal və sirkə qarışığından hazırlanmış məlhəmdən istifadə edirlər.
Döyüşün daha bir özəlliyi ənənəyə məxsus geyimlərin olmasıdır. Döyüşçülər Tenga tanrısının əlcək, şal və bandana kimi geyim növlərindən geyinirlər.
Bu ənənəvi mərasimdə yetkinlik yaşına çatan hər kişi iştirak edə bilər.

Milli.Az

Digər maraqlı xəbərlər Milli.Az-ın Facebook səhifəsində

Mənbə: milli.az

Pin It

Şərh yazın

Sizin e-poçt ünvanınız gizli saxlanılacaq, saytda heç kimə görsənməyəcək. Zəruri olan sahələr * ilə işarələnib

Siz bu HTML etiket və atributlardan istifadə edə bilərsiniz: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>